إسلام الشاطر يهاجم «بي إن سبورتس» بسبب أحمد الطيب.. والمعلق يرد (فيديو)


إسلام الشاطر يهاجم «بي إن سبورتس» بسبب أحمد الطيب.. والمعلق يرد (فيديو)
المصري اليوم | أخبار| رياضة  /  عمرو عتريس

وجه الإعلامي إسلام الشاطر انتقادات حادة لقنوات بي إن سبورتس، بعدما أسندت تعليق مباراة الأهلي مع الوداد المغربي، في ذهاب نهائي دوري أبطال أفريقيا، أمس السبت، للمعلق أحمد الطيب.

وقال «الشاطر»، خلال برنامجه ملعب الشاطر، «قناة بي إن سبورتس بتشوف إزاي تعكنن على المصريين، أحمد الطيب من أفضل المعلقين المتميزين، لكن في نفس الوقت جمهور النادي الأهلي مش عايزه يا أخي ومش عايز يسمعه، عايزين بالعافية تفرضوه على الناس. جمهور الأهلي مابيحبوش، الناس مش عايزاه بتغلسوا عليهم ولّا إيه؟».

ومن جانبه، رد «الطيب»، المعروف بـ«زملكاويته» على إسلام الشاطر، في مداخلة ببرنامج «زعلت من حد كنت بحبه، وهو عارف كده كويس من ساعة ما كان بيلعب في الأوليمبي لغاية الأهلي، لكن قال في برنامجه إني بعلق في قناة ضد مصر، طيب هو بيتفرج على قناة ضد مصر ليه، كان فيه أكتر من قناة بتذيع الماتش بتعليق ناس تانية، ومع ذلك الكل يعلم تمامًا أد إيه أنا بحترم الأهلي وجمهوره ولاعبيه السابقين الحاليين، لكن هو عمل كده علشان ماجبتش سيرته وأنا بتكلم عن أفضل الباكات اليمين في تاريخ مصر، لكن يعلم الله أن إسلام من الناس اللي بحبها».

كان «الطيب» قد كتب على «فيس بوك» ردًا على الشاطر: «الأخ إسلام الشاطر مقموص وزعلان ومنفسن — ودى مش جديدة عليه !!!!! — لمجرد إني قلت أثناء تعليقى على مباراة الأهلى والوداد إن أفضل باك يمين في تاريخ الأهلى من السبعينات (أحمد عبدالباقى، وإبراهيم حسن، والآن أحمد فتحي».

اشترك وخليك في الملعب لمتابعة أخبار الدوريات



Original Article: http://www.almasryalyoum.com/news/details/1211340

ليست هناك تعليقات